Skip to content

Continuamos

24/02/2013

Coto do Frade ven de celebrar o día 22 de febreiro unha asemblea extraordinaria. Nesta ocasión, e debido á ralentización da actividade o pasado ano, a xunta directiva quixo abrir un debate sobre o presente e futuro da asociación. Para elo, quen mellor que os socios para transmitirnos a súa visión sobre a liña de actuación que se está a seguir, e o que eles pensan que debería ser o futuro.

A xunta directiva considera vital para a boa saúde da asociación que os socios expresen as súas dúbidas, inquedanzas e mesmo críticas polo menos unha vez ao ano e de xeito formal a través dunha asemblea, que nesta ocasión tivo que ser extraordinaria debido a que as circunstancias tamén o eran.

Desta maneira, ao final conseguiuse constituir unha nova xunta directiva que sae reforzada e con ilusión para seguir traballando en prol do medio natural.

Despois da lectura  e aprobación da acta da sesión anterior e da aprobación das contas, elexiuse a nova xunta directiva que queda como segue:

Presidente:  José Manuel Viñuela Ávarez

Secretario:  Ángel González Castiñeiras

Tesoureira:  Ainhoa Viñuela Don

Vogais:         Pilar Selas Chao

Oscar Canitrot Taboada

Celso Lorenzo Hermida

Agradecemos a participación dos socios e recollemos as súas suxerencias. Seguiremos dando conta das actividades e de todo o que aconteza puntualmente.

Gracias a tod@s.

Os comentarios están pechados.

%d bloggers like this: